1.1. Bäsleşigiň düzgünleri, ýaryşa gatnaşýan toparlar üçin dolandyryş resminamasydyr.

2.1. Ilaty sagdyn durmuş ýörelgesine çekmek;

2.2. Türkmenistanda köpçülikleýin futbolyň ösüşi;

2.3. Zehinli oýunçylary ýüze çykarmak;

2.4. Futbol janköýerleri üçin dynç alyş çäreleri;

2.5. Oýunçylaryň arasynda dostlukly gatnaşyklary ösdürmek;

2.6. Sport önümi ýa-da başga bir marka üçin mahabat;

3.1. Myradow Serdar (+993 61 90-13-09) – Guramaçy we emin agzasy;

3.2. Gylyjow Dörtguly – Emin agzasy;

3.3. Akmämmedow Baýramgeldi – Goşmaça emin;

3.4. Geldiýew Rahymgeldi – Goşmaça emin;

3.5. Suwhanow Saparmuhammet – Goşmaça emin;

3.6. Esenowa Aýna – SMM;

3.7. Nuryýew Resul – Media jogapkäri;

3.8. Ataýew Atajan – Media jogapkäri.

4.1. Yglan edilen oýunçylar, uly toparlardan (15 ýaşdan ýokary) düzülen diňleýjilerden bolmaly;

4.2. Bäsleşige diňe toparyň anketa sanawyna giren diňleýjiler gatnaşyp biler;

4.3. Gatnaşyjy toparlar Gujurly bilim merkeziniň üç sany mugallymlarynyň jemlenen toparlaryndan bolup biler;

4.4. Düzgünleri bozan halatynda 4.1./4.2./4.3.:

a) ilkinji oýun başlamazdan ozal: oýunçynyň topardan aýrylmagy;

b) toparlaýyn oýunlaryň dowamynda: toparyň bäsleşikden daşlaşdyrylmagy;

4.5. Toparyň düzümi - bäsleşige yglan edilen oýunçylaryň sany 8 adamdan köp bolmaly däldir;

4.6. Ýaryşda bir oýunçy diňe bir toparyň düzüminde oýnap biler.

5.1. Bir toparyň meýdan oýunçylarynyň hemmesi birmeňzeş eşikde bolmaly ýa-da bäsleşigiň guramaçylary tarapyndan beriljek üstünden geýilýän eşikde (накидка) oýnamaly bolarlar;

5.2. Derwezeçiniň egin-eşik toplumy ýa-da köýnekçesi, öz toparynyň we garşydaş toparyň reňkinden tapawutly bolmaly;

5.3. Diňe ýörite futsal aýakgablaryna rugsat berilýär;

5.4. Duşuşykda şaý-sep, sagat we ş.m. zatlary dakynmak gadagandyr.

6.1. Duşuşyklaryň senenama tarapyndan bölünip berlen oýunlaryň öz wagtynda başlaýandygyna göz ýetiriň;

6.2. Meýdançada oýunçylaryň arasynda biri-birine garşy agressiw hereket ýüze çykan halatynda, emin toparyň kapitanlaryny çagyryp, özara duýduryş bermäge, oýny duruzmaga haklydyr;

6.3. Gyzyl kartyny alan oýunçy derrew meýdançadan çykarylýar.

7.1. Aşgabat şäheri, S.Türkmenbaşy şaýoly, TÜRKMEN DÖWLET BEDENTERBIÝE WE SPORT INSTITUTY köpugurly sport toplumy;

7.2. "Dört" göwrümli top, bökmeýän;

7.3. Ýapyk binada.

8.1. Tälimçi ýa-da toparyň kapitany, oýun başlamazdan ozal doly adyny girizmeli we bu oýna gatnaşjak oýunçynyň sanyny;

8.2. Bir tarapda 4 oýunçydan az bolsa oýun başlamaz. Bir topardaky oýunçylaryň umumy sany 4-den az bolsa, emin oýny togtadýar we Guramaçylyk topary bilen bilelikdäki karar kabul edilýär.

9.1. Duşuşykda oýunçylaryň alan sary kartoçkalary oýnuň ahyrynda ýatyrylýar;

9.2. Iki sary ýa-da gyzyl kartoçka üçin oýunçy oýun meýdançasyndan çykarylýar we topary azlykda iki minutlap ýa-da garşy toparyň bir gol urgusyny ýerine ýetirýänçä oýnaýar;

9.3. Garşydaşyna, emine, ýaryş işgärlerine ýa-da tomaşaçylara garşy göreşmek (uruş, hapa-paýyş sözleri, agressiýa we ş.m.), şeýle hem garşydaşyna şikes ýetirmek maksady bilen bilkastlaýyn gödek oýnamak - gyzyl kartoçka we bäsleşigiň indiki oýunlaryna gatnaşmagy üçin guramaçylyk topary tarapyndan seredilýär.

10.1. Oýunlar 5x5 formatda oýnalýar (4 meýdan + 1 derwezeçi);

10.2. Oýunçy çalşygynyň sany çäkli däl. Oýunçylaryň çalyşmagy emini duýdurmazdan we oýnuň wagtyny saklamazdan, ýöne oýunçynyň ilki meýdançadan çykmagy we diňe şondan soň onuň ornuna gatnaşyjy oýna girip biljekdigi şertinde amala aşyrylýar. Bu düzgüni bozan duýduryş karty bilen jezalandyrylar;

10.3. Derwezeçi çalşylanda, oýnuň wagty durmaýar. Derwezeçi üýtgedilip, derwezeçi bolmazdan oýnap bolýar;

10.4. Derwezeçä geçýänleriň sany çäkli däl;

10.5. Islendik topar bir oýnuň dowamynda 3 gezek düzgün bozan ýagdaýynda ondan soňky her gezekki düzgün bozulma, emin tarapyndan 10 metr aralykdan urgy berler;

10.6. Top çäkden çyksa, ýerden ýa-da burçdan urmak (topuň oýnalan ýerine baglylykda eminiň karary bilen) ýerden pökgini oýuna girizmek bilen oýnalar;

10.7. Derwezeçi topardaşynyň geçiren topuny eline alyp bilmeýär (kadadan çykma - kelle ýa-da döş);

10.8. Gol urgusy geçirilenden soňra, top meýdançanyň merkezinde goýlup, oýun dowam etdiriler (derwezä göni urguny ýerine ýetirmäge rugsat berilýär);

10.9. Çykyşdan (out) topy çyzykdan berk girizmeli, ýogsam çykyş garşy toparyň peýdasyna berilýär;

10.10. Burç urgusyndan, daşyndan we derwezeçiniň elinden top 5 sekundyň içinde oýnaýar. Top 5 sekundyň içinde oýnalmasa, hüjüm edýän topara gytaklaýyn erkin urgy berilýär.

11.1. Toparlaryň sany – 05.01.2025 senesinde ähli anketalar tabşyrylan ýagdaýynda belli bolar;

11.2. Duşuşygyň dowamlylygy - 2 ýarym (her ýarysy - 10 minut);

11.3. Duşuşygyň arasyndaky arakesme - 2 minut;

11.4. Goşmaça wagt - eminiň garamagynda.